Прекугранично споделен и интегриран алтернативен туризам во Крушево и Пограде
Главната цел на овој проект е зајакнување на малите стопанства за проширување на туристичката дејност во алтернативните видови на туризам, со фокус на екологија, спорт и култура.
Посебно проектот настојува да поттикне прекугранична деловна соработка, обука, трансфер на искуства, спојување на бизнисите во интегриран производ (езеро и планина) во туристичкиот сектор.
Интегрираниот туризам зависи од:
- Креативното предлагање на нови идеи за туризам.
- Поврзување на слични и разични дејности во заедничка понуда.
- Заедничка визија на фирмите на море, езеро и планина за пренесување на туристите преку целата година
 
Крушево Поградец
Проектот е фокусиран на 2 различни региони, географски не се далеку едeн од друг, но се многу далечни во нивното управување, културното наследство, деловната ориентација и туризмот. Регионот од Поградец преку Охридско Езеро и Пелагонија, до Крушево е жив музеј, познат по својата традиционална архитектура.
Поградец е познат по чиста вода, летните одмори, спортот, одбојка на плажа, пливање, кошарка и бокс.
Крушево нуди скијачки центар, историски споменици, свеж воздух, шума, планинарство и параглајдерство. Постои голем капацитет за широки туристички услуги.
Проектот нуди:
· Проценка на туристичкиот капацитет во регионот и можностите за соработка
· Учество на секој заинтересиран за пракса и соработка во туризмот во странство
· Учење на културата, храната, јазикот, ракотворбите од странски гости
· Обука за раководење, промоција со современи маркетинг алатки, посредување во понуди и планирање на туристичката дејност
· Создавање заеднички бизнис понуди за планина-езеро-море со прекугранична синергија на спорт, одмор, рекреација, етно прошетки, добра храна, анимација и сместување
· Прекуграничен туристички каталог со понуди од учесниците за зимска и летна сезона за да се задржат туристите цела година
· Регионален саем за алтернативен туризам за следната туристичка сезона.
Мотивираме синергија
Проектот е мотивиран да покрене синергија во давањето на туристички и пропратни услуги, во нова форма, која досега била мала и неатрактивна за поголеми инвеститори. Планинскиот и езерскиот туризам во Поградец и Крушево ќе дадат заедничка понуда од туристички пакет за летни и зимски одмори за новите туристи од Европа.
Актуелна понуда од проектот
На 03.07.2011 година е отворен повикот за заинтересираните Крушевчани да учествуваат во прoширувањето на сопствените туристички понуди. Рокот за пријавување е до 20.07.2011.
|